قصيدة ليه

 

ليه اللى بنحبه نســــينا 

واللى حببنا احنا بننساه

ليه بنعذب نفســــــــينا     

واللى تعبنا بنجرى وراه 
ليه اللى بتـطوله ايدينا    

عنينا زايغه ومش شايفاه
واللى بتشــــوفه عنينا   

 ادينا عاجزه ومش طيلاه
بنقرب م اللى بيجرحنا    

ونهرب م اللى عايزنا معاه
بنحلم ونعشــــم روحنا    

 بأمل بعيد وبنســـــــــتناه  
نضحك وندارى دموعنا    

ومن جوانا بنصرخ ااااااه
اعز الناس بتــــــودعنا    

 القلب تعب والحزن ملاه
القلب عاشـــق وبيهوى  

ونفسه يلاقى اللى بيهواه 

بس اللى بيهواه فين هو      

فى ناس غيرنا هناك ريداه
ناس بتحــــــــــلم زيينا       

وزيينا برضو بتـتـــــمناه 

بقربه مين يســــعد فينا   

 ومين فينا حيعيش على ذكراه
مع ان فى حــــد رايدنا   

انسان نبيل مخلص فى هواه

بيحاول دايما يســــعدنا   

 لكن قلوبنا مش حســــــــاه

مستنى منينا الفرصـــه      

 يحكى يقول كل اللى جواه
بس احنا عليه بقوى ونقسى    

ويحلى لينا نعيش فى اساه
لو رضينا بالمقســــــــوم     

 وكل حبيب حبيبه لقـــاه 
مفيش حبيب حيعيش محروم                     والحياه راح تبقى حياه 

كلمات ابو يحيى