مات الكان لطيبه مناره
كان بيحبو الجار والجاره
عمره م كان البخل ف طبعو
عمره ماكان من زول يضاره
ولا يوم شفته ضميرو اتبدل
كان العسر معاه يتعدل
كل الكان بيعدي قصادو
يشد دراعو يقولوا اتفضل
مات الكان بيحب الكل
تقعد جمو سنين ماتمل
كان ليه بسمه زي النسمه
كان لنا أخ واجدع خل
مات الكان دايما متبسم
ولسانه بشهد القول بينسم
مات الكانت فرطه يمينو
وخيره ع المحتاج بيقسم
تشوفو تحس الدنيا بخير
طيب سيره وحسن السير
ولا كان يحقد ولا كان يكره
كان بيحب الخير للغير
ولا كان يظلم ولا كان يقسي
ولا كان صاحب الفضل بينسى
كان مسعاه ف مساعي الخير
ولا بيكسل لو جات فرصه
دايما كان يلم احبابو
ولا بيسيب ابدا من سابو
كان بيحادي على خياتو
روحو كانو وكل حياتو
كان بسعادتو تملي يضحي
يفرحهم ويخبي اهاتو
كل الخلق بتدعي خلقها
سال الدمع وبل خلقها
يرجوا الرحمه لأغلي الناس
اللي ف بعدو قلوبنا حرقها
عمره ف يوم ما هننسي صاحبنا
مهما يكون الفرح غالبنا
ومهما العمر يطول ويطول
هيفضل عايش جوا قلوبنا
=============
للامانه منقول
إرسال تعليق