تـعـبتونا يابـنات وياكم واحنا حيالله شباب غلبان
بقـيـنا من كـتر حـلاكم عايزين نطول من قبل اوان
لبـستو الشفـاف والديـق وخـليتو المستـور يـبان
خـليتو الخـالى بيعـشق والعـاشق مـغرم ولهان
عـقولنا بيكم مـشغوله وقلوبنا بتعانى الحرمان
والمسأله سهله ومحلوله يابنات بلاش لف ودوران
بصى يابـنت انتى وهى وشوفو الشباب ازاى تعبان
سيبو الدلع خـفـو شويه ده الشب عشانكم شقيان
هم الزواج مبقاش بسيط غلى الدهب والمهر كمان
والعفش بنجيبو بتقسيط على شانكم بنبيع اطيان
شـقلبتو ليه حـال الدنيا بأوضاكم جبتونا جنان
الوحده بتغير من التانيه دى مخالف وزى بنت فلان
انتو اللى عملتو الازمه انتو اللى ولعتوها نيران
من غير سبب من غير لازمه سبتو العذاب يلقالو مكان
تعالو نرجع تانى نعود ونبقى زى اهلينا زمان
الجوده بالموجوده تجود والفاضى ياخد من المليان
لو يابنات مابقينا احباب واستعزتو من الشيطان
احنا الشباب حنعيش عذاب وانتو مش حتلاقولكم عرسان
كلمات ابو يحيى الفنان
إرسال تعليق